Katawa: Sa Kaniadtong Bata Pa ‘ko

April 21, 2008

Magbisaya ko. Wa’y magbuot. Gikapoy nako ug suwat ug Iningles. Magsakit akong utok usahay. Kapoy. Kapoy. Kapoy. Maayo ni kay dili nako kinahanglan pa nga mag-huna-huna. Dili na kinahanglang paninduton ang gipang-istorya. Tinuod, kapoy ug Iningles permi uy. Kamo kuno beh? Dah!

Tungod kay dili mapugngan ang kakapoy sa trabaho, dili malikayan nga magbuhat ko ug lain para mawala ang kalaay sa trabaho. Usahay, inig kahuman sa trabaho, moderetso ko sa malls [la ko kahibaw sa bisaya ani] or sa internetan para magduwa sa mga paborito nako nga online games. Sa edad nako nga 20, dili pa nako mabiyaan ang mga gikahiligan nako nga makapalingaw kanako.

Sa kaniadtong bata pako, hilig kaayo ko ug duwa kauban sa akong mga amigo ug amiga. Katong mag-sag-ob pa mi ug tubig, inig uli, magduwa dayon mi ug abat-abat, sung-sung, bitok-bitok, enter-enter, tumba lata, ug syatong. Bahala namu ug wa mo kaila anang mga duwaa. Basta kay mao jud na among mga duwaon sauna. Unya, kung mag-uwan, mangaligo dayon mi sa sapa. Bahala ug maligo mi kauban sa kabaw sa lunangan. Hugawan kaayo mi sa? Ambot lang jud uy. Basta bata, malingaw na gani, wa ju’y pilion. Mag-tumbling-tumbling dayon mi sa ka-mura-han ug mga cogon. Bahala ug mangatol mi inig ka human. Ganahan kaayo mi atong mga panahona.

Usa usab sa mga dili nako hikalimtan mao ang pagpanguha namo ug bayabas. Mangawat mi ug mangga. Unya, mangita mi ug kaka [damang, spider] inig ka gabii kay magbalay mana sila basta gabii. Sa kadaghan sa among mga kabuang sauna, dili nako kaya nga wad-on ang tanan. Mahinumduman pa gani nako nga nahulog ko sa tabay. Dayon nahulog pud ko sa kahoy sa kamnsilis [kamanchili] ug tambis. Adto pud dayon mi sa bakilid, ‘nya mosakay ug palwa sa lubi unya magpa-didit dayon sa bakilid. Bahala gud ug mangagisi ang among mga porol. Magdala nalang mi daan ug latigo inig uli kay sigurado naman mi nga bunalan jud mi. Unya, naa pajud tong higayon nga nituyok ang kasing [trumpo, top] sa akong agtang. Hastang hadloka sa akong lola kay hapit naporma ug krus ang samad. Kay kung nahimu pa kuno tong krus, mamatay kuno ko. Ambot lang kaha kung tinuod ba.

Kani laging magpuyo ta sa bukid nga bahin sa sugbo, layo kaayo mi sa sibilisasyon. Malipay intawn mi kung makakita ug damtrak [dumptruck] ug bulldozer. Kay kini nagtimaan nga naa nay karsada sa among dapit. Kusog kaayo mi mokapyot sa damtrak sauna. Bahalag nag-dagan.

Dugay pajud mi natauran ug kuryente sauna. Mag-lamparilya pa tawn mi. Unya, among radyo kay Abigon. Ambot kung kaila ba mo ana. Basta, kahoy nga radyo nga naay hulagway sa artista sauna. Makatawa nalang ko mag-huna-huna. Pag-abot sa kuryente, lipay tawn kaayo mi kay makaila na jud tawn mi ug ploresen [fluorescent lamp]. Hayag na tawn among kaugmaon, ug dili na jud tawn maanuusan ang among mga ilong ug kilay.

Hayyyzzz. Kaanindot hinumduman sa mga kalipay niadtong panahona. Dili nako ig-sapayan ang kakapoy kay ang mga katawa niadtong bata pa ‘ko, dili kabayran ug kwarta.

I tenk u, bow.

Advertisements

5 Responses to “Katawa: Sa Kaniadtong Bata Pa ‘ko”

  1. Geisha said

    hahahahah lingaw kaayo kog basa!
    mura pod ug ako sauna!
    ana man jud nang bata! hugawan, mangawat ug prutas tapos balay-balay dayun! 😆
    na try pod nko magpadidit sa bakilid tapos maligo sa suba! 😀

    nostalgic!

  2. @geisha

    hehehe.. saon, mao raman tawn na among lingaw sauna. wa man gud timezone didto sa bukid.. hehehe.. 😆

  3. Geisha said

    korek tsaka wala pang PSP dati! 😆

    ngayon dami na pwede pagkaabalahan para malibang! pati sex nga eh.. (huh? ano daw?) hehehe

    nickname™: wahaha! korek ka din jan! 😆

  4. Maria said

    kahit wala akong naintidihan, binasa ko pa rin. 😀 your blog has this irresistible force that makes me keep on coming back haha. yup im attracted to it 😉 keep your entries comin’ 😉

    nickname™: ahehehe.. pati eto, binasa mo rin? hehehe.. wow, na-touch naman ako.. wala namang kwenta ang mga post ko ah.. wahehe.. pero, tenks ha! 😆

  5. Margaret said

    ay. naintindihan ko. grabe.

    nickname™: aheheh.. feel ko nga, naintindihan mo talaga.. pramis! 😆

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: